Maualuga le silasila a Fiti i le faatonusili o le soifua mālōlōina a Niu Sila, Dr Ashley Bloomfield. 

E lē o toe mamao aloaia le faamavaega a Bloomfield, ma o se tasi na taulamua i taimi o le Koviti i Aotearoa nei talu mai lava lona amataga. 

Ua valaaulia mai ai e Fiti Bloomfield ma lona aiga e mālōlō atu i Fiti ae lē gata i lea mai le Tourism Fiji o se avanoa e faafeta’ia ai lana tautua i le malo mo le tele o tausaga. 

Ua o latou tuufaatasia ai foi ma se ata video mālie toe otooto mai ai le taimi a o faigata i le Koviti. 

I se tali a le faatonusili I tala a le Newshub, o se ofo matagofie tele ma e le mafai ona tuu e alu. 

Molimau ai foi i le pisi tele o le lua tausaga sosoo o tigaina Niu Sila aemaise le lalolagi atoa i le Koviti, ma o se taimi lelei lenei o le a o ai mo se tafaoga i Fiti.