O loo vaavaai nei Niu Sila i le ono ofi i totonu o maliega a le AUKUS, peitai e lē aofia ai faiga faaniukilia.
O lea ua toe foi mai le faigamalaga tasi le aso a le Palemia o Niu Sila, Christopher Luxon mai fonotaga na feiloai ai i Sini i Ausetalia ma le Palemia o Ausetalia, Anthony Albanese ma o se tasi lea o itu na talanoaina.
O itu tau puipuiga lea na laualuga i mataupu na talanoaina ma o le fefaasoaa’i o tekonolosi le itu o le maliega o loo vaavaai iai Niu Sila.
O maliega nei a le AUKUS o loo iai i totonu Ausetalia, Amerika faapea Peretania ma i saunoaga a le Palemia o Ausetalia ananafi e lei faapea mai a mea o ia faatauanauina Niu Sila, ae na ona ia faasoa mai i itu e penefiti uma ai Niu Sila faapea Ausetalia.
O le mae’a ai o le feiloaiga ananafi, o lea o le a feiloai minisita o militeli faapea le va i fafo a atunuu uma e lua i le masina o Fepuari, mulimuli ai feiloai minisita o tupe ma minisita o suiga o le tau.
