E oo atu I le 30,000 aiga I Kalaiesetete o le a totogi pili o le vai pe a taunuu le fuafuaga a le council

O Kalaiesetete le aai aupito I maualuga lana faaaoga o le suavai faatusa I isi aai tele o Niu Sila, ma o lea ua iai fuafuaga e ova atu loa ma le 700 lita o le suavai e faaaoga I totonu o le aso, o le a totogi loa le fixed rate e $1.35 mo le 1000 lita silia

Faailoa e se tasi o le pulega a le council, Helen Beaumont, o le totogi o le suavai o le a avea o se auala e fuafua lelei ai le soona faaaoga

Afai ae aloaia le totogi o le suavai silia mo Kalaiesetete, o le a maua ai e le council le silia ma le  $2 miliona I le tausaga Ao tatala mai ai le avanoa mo tagata Kalaiesetete e faaali finagalo I lea suiga, ua faailoa e nisi o molimau, e tatau I le council ona vaavaai muamua I oga paipa o loo liki ai le faitau piliona o lita o suavai maumau