Ua faatalanoa nei auala e mafai ai ona toe tatala le auala savali agai i Coromandel Cathedral Cove.
O le ana lauiloa lenei na amata tapunia lava mai le amataga o le tausaga talu ai ona o le tele o le palapala ua solo, ma e oo mai i le taimi nei e foliga mai e oo atu lava i le tau mafanafana o lenei tausaga o loo tapunia pea.
I se faamatalaga mai le matagaluega o faasao e tauala mai le faatonu i tala a le 1News, e lē o faigofie le taumafai e saili se fofo ona talu mai lava ona afatia i le amataga o le 2023, o loo faaauau pea ona fegasoloa’i le eleele.
O nisi o itu o loo talanoaina i le taimi nei o le iai lea o se auala savali lē tumau agai i le matafaga faapea ai le faasao ma e lē gata o le vailiili lelei o itu e lamatia ai, o le tupe e faia ai, ae faapea suiga o le tau ma ona aafiaga.
O le Coromandel Cathedral Cove o loo pipii i le lisi o nofoaga e 50 aupito i sili ona matagofie i le lalolagi 2024, ma o se nofoaga e asia e le toatele e lē gata i Niu Sila lava ia ae o tagata asiasi mai fafo.
Puna o Faamatalaga: Options proposed to reopen access to Cathedral Cove (1news.co.nz)
