E lē tau faailo le feagai ai o le atunuu ma fesuia’iga o le tau, ma tulaga loulouā o loo feagai ai i le asō.
E pei ona molimauina le faamalumalu o le asō aemaise o le to’ulu ai o timuga i le tele o taimi.
Ma i le feagai ai o le atunuu ma uiga loulouā o le tau, i lipoti mai le NZ Herald na māua ai e le ofisa o le vaaitau, o le malosi o faititili na aafia ai faaitu o le North Island i le taeao analeila; e faamauina e le vaaitau le oo atu i le 3,600 uila na emo malolosi mai i le va o le 12 i le vaveao se’ia pā’ia mai le ‘afa o le 8 i lea taeao o le asō.
Faaalia e le sui o le vaaitau, le iai pea i tulaga ma’ale’ale o lenei faaitu ona o uila ma faititili ma ua fautuaina ai le to’atele o tagata aemaise o le tele o lafumanu a nisi o loo fai a latou lafumanu, ma nisi o fale.
Ua lapata’ia ai nei le to’atele i le loulouā o le tau ina ia māta’itūina lelei tulaga mamafa o timuga o le a feagai ma le atunuu.
Puna o Faamatalaga: https://www.nzherald.co.nz/nz/weather-heavy-rain-thunderstorms-to-lash-north-island-flash-flooding-possible/
