O le faalapotopotoga fesoasoani o le Anglicare ua o latou faailoa i le asō o nisi o aiga o loo feagai ma faigata ona o le laiti o tupe maua ua atili toso atu ai i tulaga faigata o le soifuaga i mea o loo nonofo ai ona o le mau luitau i le tau o le soifuaga.
O le suesuega sa faia a le kulupu lea i auaunaga faavavave a Ausetalia, emergency relief services ua iloa ai ua toatele tagata ua sailia ia tai lua galuega ina ia tau faaau ai le faasoa.
O loo uunai malosi la le Anglicare i le malo ina ia siitia peimeni o le Welfare mo nai nei aiga aemaise i latou o loo saili galuega ma ia fausia nisi fale mautotogi e gafatia e tagata.
Fai mai le sui o le faalapotopotoga lea, o le lipoti ua faalauiloa i lenei vaiaso e le faatatau ia i latou ma a latou auaunaga ae faatatau i tagata o loo manaomia le fesoasoani ma ni gaioiga e ao ona fai ina ia tuuina ai se fesoasoani mo latou.
O auaunaga ia o Charities e le tatau ona avea o se tali i le mativa faaumiumi o tagata.
