Ua faalauiloa faalaua’itele nei taimi o le a tapunia ai auala o femalagaa’iga i nofoaafi i le aga’i atu i aso fiafia o lenei tausaga, e pei ona faamauina o le a taofia uma trains mai le feoa’i e amata mai le aso 27 o Tesema se’ia pā’ia le aso 18 o Ianuari 2026.
E lē pau ai lea o taimi o le a vaaia ai le taofia o nofoaafi poo trains mai le feoa’i i le aga’i atu i le faai’uga o le masina o Ianuari.
I le oo mai ai o nei fuafuaga, ua to’atele i latou ua upuia le tapunia ai o nei auala o feoa’iga.
Ta’ua e sui o le Greater Auckland ma le Public Transport Forum, ua tele tausaga o tula’i mai pea lea faafitauli, ma ua tauāu ina mou ese atu ai le faatuatuaga o tagata femalagaa’i ona o le taofi o ia nofoaafi.
Ma ua valaau ai nei e le to’atele o tagatānuu faapea ta’ita’i o faaitu eseese o Aukilani le tatau ai ona faia se fuafuaga e tuumāmāina ai faafitauli o feoaa’iga o tagata, o nisi ua faailoa afai ae taofia nofoaafi, e tatau loa ona iai pasi e faaaogā i lea itu e feoa’i ai tagata e aunoa ma le totogiina o se pasese.
Faaalia e le auaunaga a le Auckland Transport, o le tapunia o auala o feoaa’iga i nofoaafi, o se mea e tatau ai mo galuega faaleleia, ma le faatautaia o galuega i le City Rail Link.
E iai manatu o le a tuuitiitia taimi e tapunia ma taofia ai nofoaafi a o tatala aloa’ia ai ia galuega i le ‘afa mulimuli o le tausaga e 2026.
Puna o Faamatalaga: https://www.nzherald.co.nz/nz/auckland/auckland-train-shutdown-calls-for-free-replacement-buses-over-summer/
