Ua lapataia nei tagata e fiafia e agai i matafaga i Niu Sa Uelese nei ina ia faaeteete ma ia silasila toto’a i se tasi o figota mai le sami e ono manaia i le vaai ae fai si ogaoga o lana tui i le tino o le tagata.
O le blue dragon e pei ona faaigoa ai e nisi, e laititi lava ma ua vaaia le tafetafea ane i luga o matafaga i Niu Sa Uelese ma Kuiniselani foi i le taimi nei, ma ua faia iai suesuega a se tasi e telē lona silafia i tulaga o le sami ma ua fautua mai ai i aafiaga.
Fai mai o blue dragons latou te faaaoga o latou cells e puipui ai i latou ma e iai taimi e aafia ai lava tagata.
Na saunoa le marine biologist o Julian Obayd sa faia lana suesuega i lea foi ituaiga meaola mai le sami ma e tiga tele pe a ū e le blue dragon le tagata e ui i si ona tamai tino ma e maua i sami mafanafana e pei o le Pasefika, Atalani ma le vasa initia ae i Ausetalia nei e mātele ina maua i le East Coast, mai Kuniselani i le itu i Matu o Vitoria.
