Ua unaia le faigamalo a Niu Sila ina ia faavavevave le faagaioia o le tui puipui mo le koviti 19 aemaise le popolega I le oo mai o leisi ituaiga ole vairusi lea e taua mai I Peretania ma Aferika I saute.

Ua mananao le Pati a le National e pei ona taua I le herald I le aso ina ia maua ise taimi vave e I latou o loo galulue I nofoaga o loo faanofoesea ai tagata poo I latou ua faaigoa o frontline workers, le tui puipui lea ina ia taofia ai le toe pepesi o le faamai.

Faailoa e le taitai o le National Judith Collins e tatau I le malo ona silasila I le faaaogaina o tui puipui mo tulaga faavavave ia avanoa mo tagata ia semanu e lei tuai. Ole aso ananafi na faalauiloa mai ai e le Matagaluega o le soifua maloloina e 31 isi cases fou ole koviti ua faamauina I nofoaga faanofoesea talu mai le aso tofi. Mai le aofai lea e toa 19 e iai o latou sootaga I le ituaiga fou lea o le vairusi o loo aafia ai mai peretania. Fai mai Collins e ogaoga le tulaga ua iai ma ua tatau loa ona amata faaaoga tui puipui I tagata faigaluega I tuaoi ma tagata o loo galulue I nofoaga faanofoesea. O loo manao Collins ia faataitai Niu Sila ia Ausetalia lea ua fuafua e oo atu ile faaiuga o Mati o le tausaga nei ua maea faia tui puipui o le tusa ma le 4 miliona o tagata. Fai mai le palemia oNiu Sila Jacinta Adern ole tui puipui o le koviti ole a avanoa e leai se totogi mo tagata Niu Sila poo le ogatotonu o le tausaga.