Ua augani le komiti filifilia a le Palemene agai i le malo ua tatau ona toe vaavaai e toe amata feoaiga a trains i le va o Aukilani ma Ueligitone.
O se fautuaga ua sau ai i le mae’a o suesuega na faia a le komiti e faatatau i le toe amata feoai o trains i le va o nuu i totonu o Niu Sila.
O feoaiga i le va o Aukilani agai i Tauranga, Napier i Ueligitone faapea le va o Ueligitone ma Palmerston North e faaauau atu i Feilding lea na sau i fautuaga a le komiti.
I le taimi nei o le Te Huia lea o loo fealuai i le va o Aukilani ma Hamilton, peitai ua iai le manatu e faaauau atu i Tauranga.
E leai se nuu o le South Island na ta’ua mai i le lipoti o loo sau ai fautuaga a le komiti o le Palemene, e pau o lea o loo fua lava i luga o suesuega.
O se lipoti e salalau mai i tua ananafi e lei maua se avanoa e faatalanoa ai ma le minisita o feoaiga o David Parker e tusa ma molimau a le taitaifono o le Komiti i tala a le Herald.
O le toe faaauau ai o feoaiga a trains i le va o nuu o loo ioe iai le toatele o pati atoa ai ma le matagaluega o femalagaa’iga.
