O le a unai malosi e taitai o le Pasefika le mataupu i peimeni mai le fonotaga a Malo Aufaatasi e faaatau i le Tau, lea ua amata usuia i Aikupito i le vaiaso nei.
O le COP27 ua faaigoaina ai poo le UN Climate Conference lea ua faailoa ai e sui mai atunuu tauatiae ua tatau ona atiae le tulaga tau fesoasoani mai atunuu maumea lea e faaaluina a’e kasa oona i le sioisiomaga peitai ua lipotia sa toe tetee mai iai Amerika ma Europa.
Fai mai le sui o le Alliance for Small Island States poo le AOSIS, o Conrod Hunte e faapea e manaomia e atunuu tauatiae le tupe e feagai ai ma faamatau o loo feagai pea ma le Blue Pacific ma ona tagata faapea motu ma ona ogasami.
Ua valaau ai foi ma le taitaifono o le Pacific Island Forum o Frank Bainimarama i taitai o atunuu o le lalolagi ina ia auai faatasi ma le Pasefika i le latou finau mo le tetee atu i suiga o le tau.
O le fonotaga faatoa faamae’a i le aso 18 o le masina nei.
