I nisi o tala mai galuega ma fuafuaga o le atinae manuia o le atunuu, o lea ua amata faaaogā nisi o galuega tau auala ua mae’a sua ma faavalitā, ma sa tatala ia galuega e le Minisita o Galuega Tetele ma felauaiga i le Aso Faraile ua mavae.
O se auala tele o le Malo i le afioaga o Salamumu e tusa lona tau ma le tasi le miliona 122 afe ma le 149 tala.
E fitu masina sa fausia ai lea auala e le konekarate fau auala o le King Construction.
O le galuega o le aualatele o Utumapu i Fagalii e tasi le miliona, 495 afe, ma le 736 tala lona tau, ma sa fausia e le konekarate o le Lucky Construction Ltd mo le umi e 3 masina.
Sa faatupe uma ia auala i lalo o vaegatupe ua faaagaga mo galuega tetele a le Malo, ma sa faatauofo le sailia o ni konekarate fauauala latou te fausia.
