O lea ua faamuta tetee na aafia ai femalagaa’iga lautele i Ueligitone.
Talu mai le aso 17 o Setema o lea faato’ā faamautinoa mai anapo e le Rail and Maritime Transport Union ua faamuta nei tetee ona o lea ua iai le ofo mo le siitaga o totogi ma o lea o le a tuu atu i sui o le Iuni.
O le ofo fou ua tuuina mai o loo sau ai le siitaga o totogi e i luga atu o le inflation, suiga i le faatulagana o aso faigaluega faapea ai ma totogi mo soo se tasi e faamuta galuega ona ua gasegase.
O le toe tasi le minute i le 12 i le vaveao analeila lea na aloa’ia ai le faamutaina o tetee nei, ma o lea ua alafa’i mai i le taeao nei ma ua toe foi lava i galuega masani.
O le Aso Tofi nei e faapalota ai le ofo fou lea ua tuuina mai.
Puna o Faamatalaga: Wellington public transport workers call a halt to industrial action | RNZ News
