E $450,000 le uluai fesoasoani a Niu Sila lea ua tapena mo Vanuatu a o toe tau faatulai ai mai le ma’ema’eā o le afā o Lola.
O le faasilasilaga lea mai le minisita o le va i fafo sa iai i le paeaiga ua tuanai atu a Niu Sila, Nanaia Mahuta.
O le $350,000 o lea fesoasoani o le a tuuina atu lea i le Adventist Development and Relief Agency auā sapalai mo tagata, ae o le isi $100,000 e alu lea i le malo o Vanuatu auā isi itu o loo moomia ai le fesoasoani.
E lē o ta’ua ai i fesoasoani nei na faailoa mai ananafi tagata suesue faapitoa faapea ai ma vaa a le militeli a Niu Sila lea o loo fesoasoani i suesuega o loo faia mai i le vanimonimo faapea ai ma le feaveaia o uta faamomoli.
