Ua toe tali ane Ukraine i osofa’iga a Lusia ua taumafai ai e aveese mai vaega’au a Ukraine mai se tasi vaega o teritori a Lusia o loo iai, ua faia ane ai foi osofa’iga a Ukraine i lea vaega e faaaogā ai drones ma ana vaega’au.
E silia ma le 20 nuu i le faaitu lea o Lusia lea pe ā ma le 150 km mai le tuaoi o Lusia ma Ukraine ma e ui e le’i faamaonia mai e Ukraine o latou e ana osofa’iga ua tali ane ia Lusia peita’i o loo lipotia e le CNN o osofa’iga mai le vaega’au a Ukraine.
Ua ta’ua e le ta’ita’i o Ukraine, Volodymir Zelensky e iai osofa’iga na faia ane anapo i faaitu o loo iai a latou vaega’au ma ua valaau ai foi ia Amerika e fia iloa se tali i le tulaga o iai feutana’iga ma Lusia.
Ua lipotia e le CNN e lē o tele se aga’i i luma o feutana’iga o loo faia a Amerika mo se filemu o le mataupu lea ae o loo faaauau pea ona finau ane Zelensky o loo tosotoso faaumiumi e Lusia talanoaga ia a o taumafai e faaaogā lana militeli ma osofa’iga o loo faia e toe maua atu ai i si ogaeleele.
Puna o Faamatalaga: https://edition.cnn.com/2025/03/29/europe/ukraine-russia-war-belgorod-intl/index.html
