O le vaiaso nei ua folafola ai e le Peresetene o Ukraine, Volodymyr Zelensky o lona atunuu e ono sauni e faia a latou palota i totonu o le isi 60-90 aso pe afai e mafai ona faamautūina le saogalemu.
Fai mai le CNN o loo una’ia pea e Amerika Zelensky ia faamuta loa le taua ma sa faailoa e Zelensky o ia ua sauni e faia le palota a le atunuu ae o le saogalemu e popole iai.
Fai mai a ia e faapefea ona fai le palota a o osofa’i ane le militeli a le atunuu.
Ua faia la lana folafolaga lea ma ia valaau ai ia Amerika ma ana paaga i Europa e fesoasoani ane i le faataunuuga o lea moemitiga.
Ta’ua i le lipoti ua atili faia e Zelensky lea folafolaga auā sa faia se faamatalaga a Trump o loo faaumiumi e Zelensky le taua i Ukraine ona o loo ia fia umia pea le paoa.
Puna o Faamatalaga: https://edition.cnn.com/2025/12/10/europe/ukraine-elections-explainer-intl
