E to’a 8 tagata ua maliliu ina ua tafana ane missiles a Lusia i Ukraine ma faaleagaina ai se vaa container i le uafu i le faaitu o Odesa i Ukraine ma ua faamaonia mai ia faamatalaga e leoleo mai lea atunuu.
Fai mai o le tolu ai lea o osofa’iga ua faia i tagata o i luga o vaa faapea i le fā aso talu ai.
Fai mai Ukraine ua aga’i osofa’iga a Lusia i uafu ma o i latou uma ua maliliu o tagata Ukraine faapea foi ma isi o loo manunu’a.
O loo i Europa le peresetene o Ukraine, Vlodomyr Zelenzky mo le asia o ta’ita’i o Lonetona, Paris, Roma ma Berlin.
Fai mai sa fuafua e feiloa’i Zelensky ma le peresetene o Amerika, Joe Biden i le Aso Toonai i Berlin peitai sa faalēaogāina le malaga a Biden ona o le faamata’u o le afā na aafia ai isi ona vaega.
O le asō ua fuafua e feiloa’i ai le ta’ita’i o Ukraine ma Pope Francis i le Vatikano a o lei toe foi atu mo talanoaga ma ta’ita’i o Siamani.
Puna o Faamatalaga: https://www.bbc.com/news/articles/cy4d1xrep1ko
