Ua tatau ona faamalosia le faailoa manino o le tele o le masima i totonu o meaai.
Fai mai le Stroke Foundation o lea ua matuai fai lava si pa’ū o le tulaga o Niu Sila pe a oo mai i le faailoa manino e ala i label, o le tele o le masima o loo i totonu o meaai ma o le mafuaaga lea o le toatele o tagata Niu Sila ua silia ma le 5g masima faatulagaina i le aso e latou te faaaogāina ona e lē o iloa.
O se talosaga ua sau ai a o valaau mai foi ma le World Health Organization, WHO, ia faia taiala e limata’ita’iina ai le faailoa o le tele o le masima i totonu o meaai.
O le finau a le Stroke Foundation o soo se meaai e lavea i lalo o le lisi o processed food, o loo iai le masima ma o le tele o meaai nei o meaai o loo fiafia iai tagata e aofia pai, sosisi, o processed meat, keke suamalie ma le tele o pastries.
O taiala o loo iai i le taimi nei o lea e lē o faamalosia le faailoa o le tele o le masima i totonu o meaai peitai o le finau a le Stroke Foundation e moomia le faamalosia o le faailoa e fua iai faaiuga fai a tagata faatau.
Puna o Faamatalaga: Call for mandatory labelling of ‘hidden killer’ salt in processed food | RNZ News
