Search
Search
Photo Credit: RNZ

Ua mafai ona faia i faletalavai tui o tamaiti e i lalo o le 5 tausaga le matutua

Ua mafai nei ona faia tuipuipui o pepe i faletalavai.

Na amata aloaia mai le aso ananafi le suiga o le tulafono lea ua faaopoopo ai faletalavai i le lisi o nofoaga e mafai ona faia ai tui o tamaiti e i lalo o le ta’i 5 tausaga le matutua, ua suia mai ai i le na o le fomai e mafai ona faia.

O pepe e amata mai le 6 vaiaso le matutua mo le faia o tuipuipui masani o tamaiti lea ua mafai nei ona agai i faletalavai e faia ai.

Fai mai le Immunisation Advisory Centre o se suiga o le a faafaigofie ai i mātua auā e lē gata o faletalavai e umi ona tatala ae faapea nuu i tua e mamao mai falemai.

E lē gata i lea o le tele o faletalavai e tatala i faaiuga o vaiaso ma o le a faafaigofie ai i mātua faigaluega.

O faletalavai ua mae’a talia le mafai ona o latou faia o tui o pepe o lea ua mae’a faia aoaoga faapitoa mo le faia o tui o tamaiti.

E lē o tuua ai i lalo le tatau pea ona lesitala le tamaitiiti i fomai faaleaiga mo isi uma siaki.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required