Ua lipotia le iai o se suiga ua faia e le malo i le KiwiSaver ma se fuafuaga sa faalauiloa e faaaofia ai se 15 pasene o le GST i fees poo tupe totogi o le KiwiSaver.
Ua lipotia e le One News o le a lē faaauauina le fuafuaga e tuuina le lafoga faaopoopo lea le GST i pili totogi ma auaunaga a fund providers poo i latou o loo ofoina le auaunaga o le faatinoina o KiwiSaver mo tagata.
Faailoa e le lipoti o lea fuafuaga na osofa’ia ma le’i taliaina lelei e faapea foi i le vaega faaupufai a le National e ui fai mai le minisita o tupe maua, David Parker e le’i tuu e tax pe totogi ni lafoga a tagata Niu Sila e iai KiwiSaver i lalo o lenei fuafuaga.
Fai mai le minisita e mitamita i le fuafuaga a le Leipa e faia ai le KiwiSaver mo le lumanai o tagata ma latou te lē faia se gaoiga e afaina ai lea tulaga.
