Ua tulaueleele i Ausetalia ulua’i tagata mai Tuvalu ua mafai ona aveina atu i Ausetalia e aumau ai ona o lamatiaga i lo latou atunuu ma le siisii pea o le suāsami.
O i latou ia ua ta’ua o climate migrants ua faamauina ai i le talafaasolopito o le atunuu lea foi faiga, e silia i le tasi vae tolu o le atunuu ma ona sitiseni pe ā ma le 11 afe na talosaga mo le climate visa lea i Ausetalia, o se maliega na faia i le va o atunuu e lua e fesoasoani ai i le atumotu o Tuvalu.
E aofia ai la ia i latou ua mua’i filifilia i lalo o lea maliega, se tasi o tama’ita’i ave lifi mai Tuvalu, o se faafeagaiga ma isi.
Ta’ua e le RNZ na asia e le Palemia o Tuvalu o Feleti Teo le faaitu o Melton i Melepone i le masina talu ai lea o loo faamautū iai nisi o i latou mai le komiuniti a Tuvalu, ma faamamafa ia i latou le tāua o le faamautū lelei o sootaga ma tulaga faaleaganuu i le taimi e faatino ai lea maliega.
O Tuvalu le isi atumotu aupito i lamatia mai suiga o le tau ma o lenei taumafaiga e fesoasoani ai i ona tagata e sa’ili nisi nofoaga saogalemu e aumau ai.
Puna o Faamatalaga: https://www.rnz.co.nz/international/pacific-news/581845/from-forklift-driver-to-pastor-tuvalu-s-first-climate-migrants-touch-down-in-australia
