Ua tuuina faalaua’itele mai e le auaunaga a leoleo se talosaga i le tau sa’ilia ai o Tyrese o se tamaitiiti e 7 tausaga le matua mai Hamilton, na leiloa mai i le Aso Lulu o lenei vaiaso.
Poo le itula e 4 i le afiafi lea na iloa ai e le aiga le leiloa o lenei tamaitiiti.
Ta’ua na faailoa e lea tamaitiiti i lona aiga o ia o le a alu i le fale a lana faauō, faaalia e sui o le aiga e masani ona alu Tyrese e tafao i le fale a lana uo, ma aga’i lava lea tamaitiiti i le auala masani ona ia uia ma lona toe foi mai, peita’i o le taimi muamua lea ua lē oo mai ai Tyrese i le fale.
Faamauina le aga’i ai o leoleo i fale e masani ona iai lea tamaitiiti peita’i e leai ma se aiga ua oo atu iai leoleo o iai Tyrese.
Faaalia foi lo latou sa’ilia ai o nofoaga e lata ane peita’i e le’i manuia.
O Tyrese o se tamaitiiti Maori, e lanu enaena ona mata, e uliuli lona lauulu, na mulimuli vaaia o ia ofuina se ofuvae pupuu lanu moli, o se mitiafu uliuli o loo iai se ata, o le mamanu o se kalato lanu moana, ma seevae o crocs.
Faamaonia foi o Tyrese e iai sona ma’i tumau; e lē tau moomiaina se fuālaau.
Ua talosagaina le fesoasoani o le lautele ina ia vave faafesoota’i atu, pe afai o iai se tasi o silafiaina se itu o loo iai lea tamaitiiti.
Puna o Faamatalaga: https://www.newstalkzb.co.nz/news/national/hamilton-amber-alert-police-search-for-missing-7-year-old-boy-tyrese/
