O le aso o loo faamoemoe e faailoa mai ai le aso fou e tatala ai tuaoi lea na muamua ta’u o Oketopa

O lea ua tatala tuaoi o Niu Sila I ona tagatanuu ma pasese mai atunuu e le moomia le tau talosaga o se visa malaga e sau ai I Niu Sila, ma o Oketopa lea na muai sau tala e faatoa faataga ai le omai o turisi faapea aiga ma fanau aoga mai atunuu o loo moomia visa

O le aso e lauga ai le palemia, Jacinda Ardern I le taumafataga a le Business NZ I Aukilani ma o loo iai le faamoemoega o le a ia saunoa ai I lea suiga

O le a iai faatasi ma le minisita o femalagaiga, Kris Faafoi faapea le minisita o le Koviti Chris Hipkins

Ao faatali ai le faailoa mai o lea suiga, ua sau ai ma le lapataiga I tagata o loo vaavaai I avanoa nofomau I Niu Sila nei e ono umi le taimi e taumafai e faamautu ai iinei