Ua lalata mai aso fiafia, o faigāmalōlōga ma le faamanatuina o le Kerisimasi, i nai aso o i luma a o lea ua faamauina le maua ai e fanauiti, o i latou o gasegase o le falema’i a fanau – le Starship Children’s Hospital o le avanoa e latou te faatonutonuina ai molī emoemo i le fale tele i le taulaga o le Sky City Tower.
O le taimi lona lua lea ua faatino e fanau lea vaega tāua e pei ona maimoaina e le to’atele i le vaitau o le Kerisimasi, i le fe’ilafi o molī kerisimasi.
Ta’ua o lenei fuafuaga ua faia lea ina ia maua e fanauiti o loo feagai ma gasegase le fiafia i lenei vaitau, aemaise lava le feagai ma togafitiga a o iai i le falema’i i le faai’uga o lenei tausaga.
Faaalia e le faauluuluga o le Starship Foundation Chief Executive, Jo Simon, o se taumafaiga lava ina maua e nai fanau o loo feagai ma’i tugā le avanoa e faatino ai ni gaioiga e lē masani a’i e patipatia ai foi lenei Kerisimasi, aemaise e amana’ia ai i latou a o feagai ma gasegase.
I le tuu atu ai o lea matāfaioi i fanau, ua ta’ua o loo aofia ai se tauvaga o le faamatagofieina o potu o falema’i ma le faimeaalofa atu o le silia ma le 2,500 o meataalo; faatasi ai ma le polokalame faalauiloa o le Foundation’s “Empty Chair” Campaign, o se vaega o loo faalauiloa atu ai le tele o fanau e lē o mafai ona auai ma aga’i i le Kerisimasi.
Puna o Faamatalaga: https://www.rnz.co.nz/news/national/582176/starship-patients-light-up-sky-tower-for-christmas
