O loo faaauau pea ona vaaia laina uumi o le queue o tagata i malaevaalele i Ausetalia nei ma o le ta’uta’u mai o se solo tetee a le au la’uato ona o totogi ma tulaga o galuega, ua atili manatu ai le to’atele o le a faaopoopo foi ma le umi e poloka ai i le malaevaalele.
O le Transport Workers Union TWU ua o latou faaalia i le ABC pe ā ma le 70 le aufaigaluega la’uuta mai le kamupani a le Danta o le a talosaga i le Fair Work Commission i le asō mo le faia o sa latou tetee.
O loo vaaia pea le faatuai o le auaunaga i malaevaalele ona fai mai sooupu o le malaevaalele o loo sioti pea le aufaigaluega ma fai mai sui o le iuni, ua mana’omia ona tula’i mai sui o le faigamalo a le Feterale ma fai se faiga i le tulaga ua tulai’ mai nei.
