Ua le’o vave taatia mai i fuafuaga e toe faia ai ni galuega faaleleia i le maota faamasino i Mulinuu poo afea e faatino ai.
O le mafuaaga lea o le faataoto ai o se tapenaga a le pulega o le matagaluega o faamasinoga ma le faafoeina o mataupu tau faamasinoga e pei ona fuafua ai le siitia o ofisa o faamasino o le faamasinoga maualuga ma le faamasinoga faaitumalo i se isi nofoaga saogalemu.
Peitai o loo iai ma atugaluga i le tulaga o le malu puipuia o se nofoaga e siitia iai. O le 70 pasene o le maota faamasin o i Mulinuu ua faaletonu ile tutulu ma sao atu ai le vai potu o faamasino ma nisi o potu o loo faafoeai faamasinoga.
E faapena foi i vaega o le maota o loo faatino ai le auaunaga a le au faigaluega. Ua faailoa atu e le ofisa sili o le pulega o lea matagaluega taua a le malo ile faamasino sili lea fuafuaga ao tau faaiuiu galuega o lenei tausaga, ma le fuafuaga ia toe a’e galuega o le tausaga fou ua iai se gaioiga e faaleleia ai le maota faamasino.
Ua 15 nei tausaga le matua o le maota faamasino i Mulinuu sa fausia ise fesoasoani a le malo o Saina ma o le tausaga e 2010 na tatala ma faaaoga ai seia oo mai i le taimi nei.
