Na tutuli i fafo ma le maota fono taitai o le pati a Maori.
A o ulufale atu ai i totonu o le maota fono Meka Whaitiri poo lē sa avea ma se tasi o minisita i fafo o le Kapeneta a le Labour lea na faamavae i le vaiaso talu ai, na faia ai loa e taitai na tutuli i fafo se faaaloaloga e faafeiloaia ai.
O taitai e toalua o le pati a Maori o Rawiri Waititi ma Debbie Ngarewa Packer lea na faatonuina e le Fofoga o le maota e o i fafo ma le maota, ma na mafua lea ona o se sauniga e foliga mai ua pelogia ai o ia ona o lea na muamua fai atu ua malilie uma iai pati, peitai mulimuli ane ona toe iloaina, e leai.
I le mae’a tuli ai i fafo e le Fofoga Fetalai o Waititi ma Packer ona o le la sauniga na faia e aunoa ma se faatagana, na saunoa ai lea o Whaitiri poo lē ua avea nei o se faipule tutoatasi o le sauniga sa taumafai iai taitai o le latou pati, o le taumafai ia faalaolao mea uma e aofia ai le itu faaleagaga a o ia toe saofai mai ai e faafesagai ma le Labour lea sa iai muamua.
