Ua tutu faatasi taitai Pasefika mai ekalesia, taitai o le komiuniti faapea le soifua maloloina ia faaoo le tui I tagata Pasefika
O le toe osofai mai o le Koviti poo le outbreak lenei ua sau ai le Delta ua faamaonia ai le manuia o drive through mo le komiuniti Pasefika I totonu o Aukilani, ma o lea ua faaauau ma faaopoopo isi nofoaga fou I le vaiaso nei
O le aso e amata ai le tolu aso drive through I Aukilani I Saute I le taulaga faatau I Magele, sau ai ma le valaau faapitoa mo tagata Samoa e agai mo tui
O loo faaauauina foi I le aso le tolu aso drive through I Robertson Road I le maota o le Ekalesia o le au paia o aso e gata ai
Ese mai I drive through o lenei vaiaso o le lua vaiaso o I luma o le a faia ai le isi I Manukau ma sosoo atu ai ma Manurewa
Ua valaau mai ai le fomai ia Dr Sirovai Fuata’I I aiga Pasefika aemaise lava le komituniti a Samoa I Aukilani I Saute e agai mo tui aua le puipuia o aiga, ekalesia faapea le komiuniti, ma ua faatepa ai e le fomai tagata Samoa I lenei outbreak lea e toatele lava I o tatou tagata
I se vaaiga I fuainumera o tagata Pasefika ua uma tui e lua I totonu o Niu Sila, o le amataga o le vaiaso na faamauina ai ua silia ma le 100,000
