Ua tutū faatasi tagata Northland e fesoasoani i mea e mafai ona faatino a o sosolo ai pea le afi i Waipoua i Kaipara.
E 8 helikopa na taumafaia ananafi, 50 sui o le tineimu i luga o le laueleele e ese ai i latou mai le vanimonimo, ma e tuufaatasia tala o le taeao nei e le’i iai se tala a mea ua oo i se tulaga ua mafai ona taofiofi le sosolo o le mu.
A o sosolo ai pea le mu, o lea ua galulue nisi i le Waikara Marae mo mea taumafa a le augalulue faapea aiga ua aafia.
O lea foi o loo tele le foa’i faameaalofa ua tauaao mo aiga mafatia, e iai meaai, vai taumafa faapea vouchers.
E oo mai lava foi i le taeao nei e le’i mafai ona toe foi aiga e to’a 20 na aveesea faamalosi mai le Aso Lulu mai o latou fale ona ua lē saogalemu, ma e lē o iai foi ni lipoti o ni fale ua faaleagaina.
O loo faaauau pea galuega a le tineimu i le asō, peitai e ono faafaigata laitiiti ona o savili malolosi.
Puna o Faamatalaga: Community rallies to help whānau displaced by Northland fire
