Fai mai le sooupu a leoleo o loo latou iloa faamata’u ua fai atu e faaaogā ai telefoni i nisi o aoga i le North Island ma o loo galulue nei i le su’esu’eina o nei mataupu.
O loo lipotia tusitusiga i luga o itulau facebook a le aoga a Lyton High i Gisborne e faapea ua aveesea uma mai tamaiti aoga mai le nofoaga ona o lapata’iga o se faamata’u o se pomu sa fai atu ma e fai si to’atele o leoleo o loo iai i le aoga i le taimi nei.
O loo ta’ua foi ua aveesea uma mai foi tamaiti ma faiaoga mai aoga e pei o Matamata College, Morinsville, Cambridge High i le faaitu o Waikato.
Ta’ua i nisi o faamatalaga i luga o facebook page nei le faafetaia e faiaoga ma puleaoga o le usitaia e le fanau aoga o faatonuga o loo fai atu iai e tusa o le tulaga o loo tulai mai.
O loo faatalia se lipoti lata mai ae o se mataupu ua faapopoleina ai le to’atele aemaise o le faataalise atu o nai mātua i aoga a le fanau mo le faamautuina o loo saogalemu.
