E iai se kulupu o tagata Aukilani ua o latou saini i se tusi e tetee atu ai i le lisiina o le uafu i Aukilani mo le 35 tausaga.
O le tusi na lafo agai i le Pulenuu o Aukilani, Wayne Brown.
Na faalauiloa e Brown le fuafuaga lea o le lisi e 35 tausaga i le uafu i le Long Term Plan a le aai peitai la o le tusi ua agiga i le lipoti ua valaau ai i Councillors ina ia teena lea fuafuaga ma ia avea le nofoaga o iai le uafu o se public waterfront.
Ua sainia lea tusi e le toa 30 o tagata e aofia ai Sir Stephen Tindall, Lady Pippa Blake, Sir Ralph Norris ma le Faipule o Aukilani Tutotonu, o Chloe Swarbrick.
O le tusi ua faaulutala i le faaperetania, Stop Stealing our Harbour ma e lē o ta’ua se faamatalaga mai le Port of Auckland ma le Pulenuu, Wayne Brown i lea mataupu.
