O le toatele o tagata o loo tumutumu ai nofoaga o loo faia ai siaki o le Koviti I Aukilani, o I latou e leai ni auga o le faamai

E oo atu I le 2 itula le umi e faatali ai le faia o siaki o le Koviti ma o le aso ananafi lea na sosoo ai aso e lua o le mea lava lea e tasi

Mai le Northern Region Health Coordination Centre o lea ua toe alu I luga le aofaiga o tagata e agai atu mo siaki faapei ona iai I le taimi o le Delta, pei ona faamauina le silia ma le 19,000 siaki na faia I le Aso Gafua I Aukilani

O lea na sau le talosaga mai le soifua maloloina I tagata e agai na o I latou ua maua I auga o le fulu, o e na faatonuina e tatau ona agai mo siaki pe na iai foi I location of interest poo nofoaga na iai case faamaonia

Peitai I ripoti ua faamauina ai o le toatele e leai ni auga ma o le aso ananafi ua siitia ai mai le 50% I le 70% tagata leai ni auga ae na agai pea mo siaki

O se mafuaaga na toe faafoi ai le toatele e leai ni auga ae ave le faamuamua I tagata o loo moomia vave le agai e faia siaki