O le laumua o le Ekalesia Metotisi i Foga’a i Faleula o loo tapuvae tasi iai le vaiaso atoa lenei o tausinioga o taaloga e pei o le lakapi, kilikiti, volipolo ma isi taaloga o loo auai atu iai tupulaga o le ekalesia mai sinoti eseese i Samoa, Amerika Samoa, Hawaii, Amerika, Niu Sila ma Ausetalia.

O le Aso Gafua o lenei vaiaso na tatala ai ia taaloga e le Pelesetene aoao o le ekalesia, i le manulauti ia maua e tupulaga o le ekalesia le ola tausinio mo Keriso e ala i taaloga. 

Se vaega o le saunoaga a le Pelesetene aoao o le Ekalesia Metotisi susuga Faulalo Leti na tatala ai le vaiaso o taaloga a tupulaga talavou o le ekalesia mai sinoti eseese i fafo ma Samoa.

O nisi o sinoti mai atunuu e mamao e pei o Niu Sila, Ausetalia, Amerika ma Amerika Samoa sa latou foai ipu, o seleni ma se talita e fai ma faailoga o ‘au ma tagata taaalo o le a mau tulaga.

Ua tomua le sauni atu o le Ekalesia Metotisi i ana fono faaletausaga, le Koneferenisi i le masina fou, i le vaiaso o taaloga.