O loo tumau pea le faasa o fanau aoga asiasi atu I le Palemene leai ni tui o le Koviti, e ui o loo tau alaga mai pea le minisita e le faaaogaina tulafono o le tui pe a faia polokalame faaleaoaoga

I lalo o le Covid-19 protection framework na faailoa mai e le fofoga o le maota Trevor Mallard ua toe faatagaina nei tours poo asiasiga a aoga I lalo o le red setting peitai I lalo o le lanu mumu ma le lanu moli e le faatagaina fanau aoga I luga o le 5 tausaga e le I faia tui

Ae mo le moli lanu meamata o loo toe faatagaina ai foi peitai mo fanau 12 tausaga agai I luga e le I faia tui, e le faatagaina lava

Ae e le I toe faia suiga lata mai I asiasiga nei a aoga, sa le I faatagaina I lalo o le moli lanu mumu

O le masina talu ai lea foi na toe sau ai le faasilasilaga e tatau ona faatagaina pea fanau aoga e auai I polokalame faaleaoaoga o loo faatulaga mai e aoga tusa lava pe e le I faia tui

E le o manino I le sooupu o le Koviti a le National le faasilasilaga mai le fofoga o le maota I le Aso Faraile o le vaiaso talu ai pea faaopoopo iai ma suiga na faailoa mai e le malo I le vaiaso ua te’a

O se mataupu ua toe faailoa mai ai e le fofoga o le maota mulimuli ane o le a toe vaavaai iai I le vaiaso nei