Toe tasi le avanoa lea ua tuu atu e le Ofisa o Lafoga, Inland Revenue i pisinisi konekarate ma le lapataiga e totogi a latou lafoga, poo le faalauiloa ma oo i se isi tulaga.
Lata i le $900 miliona lea o loo nofo aitalafu ai nisi o pisinisi o loo lesitala i lalo o le matata fau fale, e tusa lea o le 1/6 o le aofai o aitalafu o lafoga.
E tusa ma le 40,000 pisinisi lea ua faailoa e le Ofisa o Lafoga e tauala mai i le leitio a Niu Sila e aofia ai i latou e lei failaina lafoga faapea nisi e lei totogia aitalafu.
O le matata lava foi lenei ua toe molimau mai ai le ofisa e feololo lava tagata faigaluega o loo totogi tupe, ma o nei lipoti uma o loo toe maua e le Ofisa o Lafoga mai le tusa ma le 7000 lipoti e oo atu i le tausaga o tagata o loo taliaina galuega totogi tupe.
I suesuega lata mai a le Ofisa o Lafoga na iloa ai le toatele o loo taliaina galuega totogi tupe, ma o loo faaaogā ai e le ofisa isi auala e pei o le sailiili o tusitupe.
Puna o Faamatalaga: IRD targets construction businesses failing to pay taxes | RNZ News
