Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Tuli solo i Papatoetoe ma le avetaavale sa faalālā atu le fana ma mulimuli atu i le latou taavale

Ua faamatala e se alii mai Aukilani le taimi na tuli solo ai le taavale a ia ma lona aiga e se alii na agai atu ma se fana.

Fai mai Alvin Kirpal o Papatoetoe na tuli solo le latou taavale i le Aso Lulu o le vaiaso talu ai ina ua agai ane ma lona aiga i le latou taavale e agai i le tifaga, o ia ma lona toalua ma le la tama tama e 13 tausaga.

A o latou agai ane i le auala sa faafuasei ona feliuai ane le isi taavale i le driveway ma tu faafuasei ai lana taavale ma faaee iai le pu o le taavale.

Na faateia Kirpal i le tepa atu i le fā’ata o loo faalala ane e le avetaavale lea se mea e pei o se tamai fana i lona atalii lea e i luma i le nofoa o le pasese.

Fai mai Kirpal na ia vaaia ua saoasaoa ane lea taavale e tuli atu le latou taavale ma ia taumafai ai e oese mai lea taavale ma le toe popole ai i le saoasaoa ae ia aveese mai lona aiga i se nofoaga saogalemu.

Na agai sa’o Kirpal i le ofisa o leoleo i Manukau ma faailoa iai le mea ua tupu, e oo mai i le asō e lei maua lea avetaavale ma le taavale foi ma o loo faia pea suesuega.