Ua iai nei se tasi o faalapotopotgoga fou ilo tatou atunuu ua faaigoaina o le Sega’ula Samoa, o le latou manulauti tauave o le toe faaleleia o pulega lelei, o aga fesootai, ma le atinae o le tamaoaiga ia galulue faatasi iai pulega a nuu aemaise o le sao alofilima o komiti ma faalapotopotoga a tina ma tamaitai i afioaga ma nuu o Samoa.

O le sui o le Sega’ula Samoa o loo feagai ma le tapenaina o polokalame le susuga Vaialia Iosua, sa ia faamatala mai le autu o le faalapotopotoga ma lona mafuaaga na faavae ai.

I le avea o le sao o galuega alofilima o tina ma tamaitai i le gaosia o oloa taulima ma le toe lalagaina o le ie Samoa mao’i o le tasi lea o tapenaga a le Sega’ula Samoa, o le sailia o maketi e faatau iai ia oloa ma measina a le atunuu.

Sa afea le faalapotopotoga e se aumalaga mai le malo tuaoi o Tonga, i le fia sailia o ni ie Samoa memea mao’i e faatau, auā o se measina e tāua tele e tusa i tu ma aganuu a lea foi atunuu tuaoi.