samoa court

Tulai i le faamasinoga ni matai mai afioaga se lua e tali moliaga

O le amataga o lenei vaiaso na tutula’i ai le faamasinoga faaitumalo nisi o matai ma taulele’a mai afioaga o Lotoso’a Saleimoa ma Matautu Falelatai ona o moliaga a leoleo e mafua ini gaioiga solitulafono ua tuuaia ai i latou e to’a 23.

I lea fainumera e to’a 15 e mai Lotoso’a Saleimoa lea ua molia i se tagi e mafua mai i se faaiuga a matai o le nuu na faatonuina ai e saisai ane se tamā ma momoli atu i le nuu ona ua lē usitaia e ni fanau tama a lea tamā le finagalo o alii ma faipule. 

O le to’a 8 mai Matautu Falelatai o loo molia e leoleo i le latou faaleaga lea o meatotino o ofe paipa o le suavai mo nisi o aiga o le nuu na latou momotu ai ma taofia le maua e ia aiga o le suavai.

E lua vaiaso ua talosaga ai le itu a leoleo e toe faamaea ai a latou suesuega ma faamautu moliaga o i latou ua molia i nei mataupu e lua ma ua tuu avanoa iai le faamasinoga. 

O nei mataupu na tulai mai uma i le tausaga nei ma ua telē ai aafiaga o nuu e lua e le gata o tulafono a nuu taitasi ae o le nonofo saogalemu ai o aiga i totonu o lea afioaga ma lea afioaga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required