O se malu o le malo mai Niu Sila nei ma se laufali sinia foi i taaloga soka ua feagai nei ma ni moliaga o le faaooima matagā i Ausetalia ma ua mafai ona faailoaina lona igoa.
O le alii Niu Sila o David Brooks, 66 tausaga e pei ona lipotia e le Canberra Times.
O loo faamatalaina o le soligatulafono na tupu i le taimi o tapenaga mo se taamilosaga soka i Canberra sa laufali ai lē ua tuuaia.
O le vaiaso nei na tulai ai i le faamasinoga i le ACT e tali i ona moliaga.
Ua faatonuina e toe foi atu i le faamasinoga i le aso 31 o Iulai ma ua toe tatala i tua.
O loo ta’ua i le lipoti o moliaga e faatatau i le faia o uiga lē manuia i se tagata talavou ua ta’ua o loo iai lalo o tausiga faapitoa.
E le o fia faia se faamatalaga a le ofisa o leoleo i Niu Sila ona o loo i luma o le faamasinoga le mataupu.
