Na pē le aisa ma mafu ai meaai a le pasese a le vaalele a le British Airways, ma o pakete vaemoa KFC lea na tua iai.

E 12 ma le ‘afa itula le umi o le faigamalaga a le vaalele a le British Airways e faimalaga mai Turks and Caicos faimalaga atu lea i Lonatona, peitai e sue atu meaai a le pasese ua mafu ma e lei mafai ona faaaogā.

O le tu ai i le malaevaalele i Bahamas na taumafai ai loa e sue se meaai mo le faaauauina o le malaga, ma o lea na tua ai loa i moa a le KFC.

I luga o le social media o loo toe faaseā ai le toatele o le pasese, ona o le faatamala aemaise o le malaga umi ae leai se meaai.

E ui i lea e iai lava foi i latou na malamalama ma fai mai e sili atu le moa KFC na i lo le laulau mai o meaai mafu ae mama’i ai.

Ae mai le sui o le kamupani vaalele, e lei tele ni meaai i le malaevaalele na malolo ai e mafai ai ona filifili mai ai, ma o lea na faamoa KFC ai loa.

Ua faatoese le British Airways ma o lea foi na toe maua catering vouchers a pasese na aafia.