Ua tuai na toe faasa’o saunoaga a le minisita o aoga na lafo i totonu o le maota, ma e ono agai iai suesuega a le Privileges Committee.

O le komiti lenei e iloiloina ma lipoti i le tutoatasi o le Palemene ma le tulafono.

O le minisita ia Jan Tinetti ua tuuaia i le lē vave faasa’oa o lipoti na ia folasia i le Palemene i le masina o Fepuari, e ui o lea na toe logo e lana aufaigaluega i le aso lava lea na sese ai.

Talu mai Fepuari o lea faatoa toe faasa’o i le amataga o le masina lenei ma fai mai le Fofoga Fetalai, Adrian Rurawhe e lei iloa e le minisita sa tatau ona toe faasa’o ana lipoti sese ma o lea faatoa iloa ina ua fesootai iai le Fofoga o le maota.

Ua fai mai ai Rurawhe ona o lea ua oo ai nei i le komiti lenei mataupu ma e tāua tele le mulimulitaia o taiala o le maota ina ia talitonuina ai pe a lē faamaoni tali a minisita i taimi e fesiligia ai i totonu o le Palemene.

I lipoti a le leitio a Niu Sila, e fesotai atu le Fofoga Fetalai ua uma ona iloa e le minisita e sese ana tala sa fai.