Sa faatuai na agai mai i totonu le meli a le Majestic Princess e taula ananafi, ona o le louloua o le tau na iai na mafua ai ona tapunia le uafu i Aukilani.
Na toe sui agai i Rangitoto le uafu e agai iai le meli, ma o lea na toe taumafai mai i le uafu i Aukilani anapo.
Ona o le tuai ona sao mai i le uafu i Aukilani ua toe tuu ai i tua le aso e tuua ai Aukilani.
O le malaga mai ai o le Majestic Princess ua afea ai Niu Sila a o iai i lana malaga taamilo 25 aso e pei ona amata mai ai i Los Angeles.
Faamaoniga mai le uafu i Aukilani, o le malolosi tele o savili lea na ala ai ona toe sui agai i Rangitoto.
O le taeao nei e faatoa oese mai ai le pasese a le Majestic Princess mai le vaa.
