Ua lē fiafia tagata na paka a latou taavale i le malaevaalele i Aukilani i le taunuu mai ae tuu atu le faasalaga tupe e $50.

O pasese nei na toe tolo faigamalaga ona o le tapunia faafuasei o le malaevaalele faavaomalo i Aukilani i le faaiuga o le vaiaso talu ai e mafua mai i lologa.

I tala a le Herald o loo molimau ai nisi o pasese i le faanoanoa ona o le tuai ona toe foi mai ae e le o se faatamala o le tagata malaga, peitai ona o le malaevaalele.

E sili ai ona faanoanoa ona o le tapa atu e aumai se lisiti e fesoasoani i le talosaga ua tuuina atu i kamupani inisiua, ae sau le tali e leai se lisiti.

Ua tali mai ai le pulega a le malaevaalele faavaomalo i Aukilani ma faamanino o faasalaga tupe nei e okomeki lava ona faia e le system i taavale ua ova atu ma aso faatulagaina sa tatau ona paka ai i le malaevaalele.

Ona o lea ua faatoese ai ma le pulega i tagata ua aafia ma ua toe talosaga mai e faafesootai atu le malaevaalele mo se refund.

O se fiafiaga i le Consumer NZ le faaiuga a le malaevaalele a Aukilani ua faia nei.