Ua totogi e le malo le toe momoli mai i Samoa o tino maliu o gasegase e to’alua sa auina i Niu Sila le isi mo togafitiga ae o le tasi sa ave i Initia.
O ia gasegase sa auina i fafo mo togafitiga i le polokalame masani a le malo o loo togafiti ai i ia atunuu gasegase e lē mafai ona faia togafitiga i Samoa.
O le fono a tusitala ma le Palemia i le Aso Tofi ua mavae na faailoa ai lea faai’uga ma faailoa ai foi ma le manuia o le taotoga o le fatu o se gasegase sa faatino lea i le maota gasegase i Motootua.
O se togafitiga sa faaaogā ai se foma’i o se maota gasegase i Fiti lea ua avea o se isi nofoaga e ave iai gasegase mai Samoa e togafitia ai.
