O le tagatānuu o Tonga e faamautū i Niu Sila, o le immunologist poo le foma’i e feagai ma le togafitia o le immune system o le tagata ua ia faailoa e tāua le faia o tuipuipui mo le misela aemaise i aiga ua sauni mo faigāmalaga o le Kerisimasi i nisi atunuu ma nofoaga.
O le foma’i o Dr Chris Puli’uvea na ia faailoa i le RNZ, e ese mai ia Fiti, o Niu Sila ua oo atu i le 82 pasene o tamaiti ua mae’a ona faia tuipuipui.
E 30 i latou ua aafia i le taimi nei i le misela i Niu Sila e pei ona lipotia e le Health NZ.
Ta’ua e le alii foma’i e tāua tele le faia o tuipuipui a o le’i oese mai mo faigāmalaga, e tāua le faatalanoa o tulaga tau le puipuiga a o le’i tuua aiga ia faatumauina ai pea le saogalemu.
Puna o Faamatalaga: https://www.rnz.co.nz/international/pacific-news/581418/nz-immunologist-urges-measles-vaccination-check-before-christmas-travel
