E to’avalu faipule fou ua faatutū ane i le Palemene o Tonga i le mae’a o le latou faigāpalota.
O i’uga ia na faailoa e le komisi o faigāpalota a le atunuu i le po anapo ua faailoa ai o le to’aono o faipule o sui o tagata, peoples representative ma le to’alua mai le aigatupu lea e atoa iai le to’avalu.
O le Palemia o loo tausia le malo i le taimi nei o Dr Aisake Eke ua toe faatumauina lona nofoa mo le isi paea’iga ina ua mālō i lona itumalo.
I totonu o Tonga e vaevaeina le Palemene i sui e to’a 17 o tagata lea e palotaina e le lautele, o le isi to’a 9 e atoa iai le 26 e filifili mai e le aigatupu i se isi foi faigā filifiliga.
O loo faatalia nei la le filifilia o se Palemia ma e to’atele o loo manatu e ono toe tula’i mai Dr Aisake Eke a lē o lea, o lē sa avea muamua ma Palemia sa faamavae, Huakavameiliku Sovaleni lea ua toe manumālō mai i le nofoa o lona itumalo.
Puna o Faamatalaga: https://www.rnz.co.nz/international/pacific-news/579540/tonga-election-eight-new-mps-elected-to-parliament-amid-continuing-decline-in-voter-turnout
