Ua faalauiloa mai nei le avea ai o le alii o Mike Pannett ma se tasi o sui Komesina o Leoleo o le Matagaluega o Leoleo o Niu Sila nei, i le avanoa ai o tofiga sa iai nisi ua faamavae, poo ua mālōlō litaea mai le galuega i le amataga o lenei tausaga.
O Mike Pannett o sē ua 45 tausaga talu ona galue ma tautua o se malu o le malo i le atunuu e pei ona amata mai i le tausaga 1980, ma ua telē lona silafia ma lona malamalamaaga i le tele o galuega faatino o le Matagaluega; e aofia ai sona avanoa a o se tofiga i le malo tele o Amerika i Uasigitone, ma le auaunaga o le Australian Federal Police.
Māua le maua ai e Mike Pannett o le tasi o vaega tāua ua faaigoaina o le New Zealand Order of Merit (NZOM) i le tausaga 2010 e amana’ia ai o lona tagata ma lautua i le Matagaluega a o le atunuu.
Fa’aālia e le alii Komesina o Leoleo, Richard Chambers o le maua ai o sē e se’ei mai i lea tulaga ma tofiga, o se o le a mautū maua’a ai tulaga o ta’ita’iga a le auaunaga; pea tilotilo atu i le tulaga pagātia o iai leoleo ona o le tele o faafitauli ua fetaia’i ai ma le auaunaga i ripoti ma su’esu’ega e pei ona laualuga nei.
Ma i le tofia ai o lea sui e avaea ma Sui Komesina, ua ta’ua e Chambers, e lē o solomuli lava le Matagaluega i a latou galuega faatino, ia saga faamausalī ai o sootaga ma tagata, o le tuuitiitia ai o le tele o sauaga e tulai mai ma gaioiga solitulafono.
Puna o Faamatalaga: https://www.rnz.co.nz/news/national/582040/mike-pannett-named-as-new-deputy-commissioner-of-police
