Ua filifilia le Afioga Galumalemana Ronna Lee ma Ofisa Sili o pulega o le Asosi Soka a le atunuu.
O le afiafi ananafi na faailoa mai ai i se pepa o faamatalaga lea tulaga.
E filifilia mai Galumalemana o loo galue ai nei i le Iunivesite o le Vasa Pasefika i Saute.
O tomai, agavaa ma le silafia o Galumalemana i itu tau galuega faaofisa, aoaoga ma atinae faapea ai itu tau maketi ma faasalalauga o itu tau pulega, o le faapisinisi aemaise le saili avanoa mo le vaega amata ma le fesootaiga ma le lautele o le atunuu na tilotilo iai le filifiliga.
O Galumalemana o loo ia umia le faailoga o le Master of Education in Sustainable Development ma le faailoga o le mataupu tau maketi, pisinisi ma pulega ma sa galue ai mo ni tausaga i Iapani, Niu Sila ma Samoa.
O le aso 29 o le masina lenei o Fepuari e amatalia ai lona tofiga fou.
