Tofia Hansen e fesoasoani I le Canterbury Bulldogs

E le taumate o le a mataitu e le toatele poo le a se suiga o le a iai se tasi o au ile pito I lalo ole lisi o le faaiuga o taaloga lakapi I lenei tausaga I niiusila le Canterbury Bulldogs ina ua faalauiloa ile aso se tasi o suiga I totonu o le kalapu.

O le sa faiaoga I le All Blacks Steve Hansen ole a avea nei ma se tasi o consultant a le Canterbury Bulldogs I le vaega o le High performance unit. O lenei tofiga fou o le a galulue faatasi ai Hansen ma le faiaoga ma le pulega a le au faatasi foi ma tama taaalo.

O le fesootaiga ma le mafutaga a Hansen ma le faiaoga ole Bulldogs o Trent Barrett sa iai foi lona taimi na galue ai I le camp a le all blacks ile 2018.

Faaalia e Barrett sa fesootai lava pea ma Hansen ma sa faatalanoa lava foi lenei avanoa mo ni nai masina  ma ina ua ia mauaina le avanoa I Canterbury na manatu ai ole taimi talafeagai mo lea avanoa aemaise o le tomai male silafia o Hansen. Ole a auai atu Hansen ise au fou a le Bulldogs mo le tausaga fou e toe taumafaia ai se suiga mai le tulaga 15 o loo iai nei I le faasologa o au o le taamilosaga o lenei tausaga

LAUILOA

Keep uptodate with Radio Samoa activity & promotion

* indicates required