O loo faatalia nei seisi lipoti lata mai si teineititi e nao le tolu tausaga lea na toeitiiti atoa le ono itula o nofo naoi a I totonu o se pasi I fafo ane o le childcare center sa iai i Kuiniselani.
Ua faailoa I lipoti I le aso ua faateia ai le toatele, o loo fetauaina na maua atu ua amata ona tau matapogia ile vevela o le taavale sa iai I fafo ane o le Le Smileys Early Learning Center ose nofoaga e lata I Rockhampton ao lei taina le tolu I le aoauli ananafi.
O le faamatalaga a leoleo ua taua ai sa iai si teineititi I totonu o le pasi talu mai le ta o le 9 ile taeao ma e nao ia sa iai I luga o le pasi ae foliga ua galo I le avepasi ma leisi tagata sa iai I luga o le pasi o loo iai pea le teineititi I totonu.
Faailoa e leoleo I le 7News e foliga ua iai ni tulaga ua solia o pollisi I le mataupu lenei ma o loo faailoa e leoleo sa iai se tulaga tigaina talu mai ananafi ma le po anapo ae foliga ua tau iai sina suiga ae o loo iai pea I se tulaga faaletonu. Fai mai leoleo ua matuai le fiafia le aiga o si teineititi ma o loo faatino nei le suesuega a leoleo I lea mataupu
